Дунёнинг энг қиммат 50 та спорт клуби рейтинги эълон қилинди
Спорт
−
25 Декабрь 5102 1 дақиқа
“Forbes” журнали дунёнинг барча спорт турлари бўйича энг қиммат жамоаларни ўз ичига олган навбатдаги йиллик рейтингини тақдим этди. “Forbes” томонидан эълон қилинган ушбу рўйхат яна бир бор Америка спорт клубларининг устунлигини тасдиқлади.
Рейтингнинг кучли ўнталигида асосан Америка футболи (NFL) жамоалари етакчилик қилмоқда. Хусусан, “Даллас Ковбойс” клуби 2016 йилдан буён бу рўйхатда кетма-кет равишда биринчи ўринни эгаллаб келмоқда.
Европа футболи вакилларидан кучли 50 таликка тўртта клуб киритилган. Улар:
- “Реал Мадрид” – 6,75 миллиард евро (20-ўрин);
- “Манчестер Юнайтед” – 6,6 миллиард евро (24-ўрин);
- “Барселона”– 5,65 миллиард евро (42-ўрин);
- “Ливерпуль” – 5,4 миллиард евро (48-ўрин).
Шунингдек, рейтингдан “Формула-1” жамоалари ҳам жой олди. “Феррари” 26-ўринни, “Мерседес” эса 34-ўринни эгаллади.
