Почеттино МЮ бош мураббийи этиб тайинланди – Романо

Аргентиналик мутахассис Маурисио Почеттино Англиянинг “Манчестер Юнайтед” жамоасининг янги бош мураббийи этиб тайинланди. Бу ҳақда инсайдер Фабрицио Романо маълум қилди.

Маълумотларга кўра, “Манчестер Юнайтед” Маурисио Почеттинони янги бош мураббий этиб тайинлаган. Келишув якунланди ва АҚШ футбол федерацияси томонидан тасдиқланган. 

“The Athletic” нашрининг хабар беришича, манкунианликлар мураббий учун товон пули сифатида АҚШ футбол федерациясига 10 миллион доллар тўлашади. Аргентиналик мутахассис билан 2029 йилнинг ёзига қадар мўлжалланган шартнома имзоланади.

Келишув ҳақидаги расмий хабар бугун, 13 ноябрь куни эълон қилиниши мумкин.

Маълумот учун, “Манчестер Юнайтед” айни пайтда Англия Премьер-лигаси жадвалида 18-ўринда бормоқда. Жамоа жорий мавсумда ўтказган дастлабки 10 та учрашувнинг фақат биттасида ғалаба қозонган.

Эслатиб ўтамиз, аввалроқ “Манчестер Юнайтед” жамоа бош мураббийи Майкл Кэррик билан ҳамкорлик якунланганини эълон қилган эди.