“Дональд Трамп” Қурбон ҳайитида сўйилади (видео)

Бангладешда альбинос буқаси – ташқи кўриниши сабаб Дональд Трампга ўхшатилгани учун интернетда “Дональд Трамп” лақаби қўйилди. Альбинос буқаси Қурбон ҳайити куни сўйилиши режалаштирилмоқда.

Тахминан 700 килограмм оғирликдаги буқа ижтимоий тармоқларда катта сенсацияга айланган, уни дунё бўйлаб фойдаланувчилар кузатган ва муҳокама қилган. Бироқ ОАВ таяниб берилган маълумотларга кўра, у яқин кунларда Қурбон ҳайити муносабати билан қурбонлик қилинади.

Ҳайвонга “Дональд Трамп” номининг берилиши эса фақат маҳаллий аҳоли ҳазили сифатида пайдо бўлган бўлиб, интернетда кенг тарқалиб кетган. Бунда ҳеч қандай сиёсий мақсад назарда тутилмаган. Шу сабабли бу воқеа оммавий ахборот воситаларида катта қизиқиш уйғотган.

Ижтимоий тармоқларда фойдаланувчиларнинг муносабати турлича бўлган. Айримлар ҳайвоннинг тақдирига ачиниш билдирган, бошқалар эса Қурбон ҳайити диний анъана эканини ва бу миллионлаб мусулмонлар томонидан ҳурмат қилинадиган амалиёт эканини таъкидлаган. Яна баъзи фойдаланувчилар эса, бу буқага берилган лақабни киноя билан муҳокама қилган ва агар Дональд Трампнинг ўзи бу хабарни кўрса, у бунга қандай муносабат билдириши мумкинлиги ҳақида ҳазиломуз фикрлар билдирган.