Дам олиш кунлари учун об-ҳаво маълумоти эълон қилинди

Бу қизиқ

image
0:00
0:00
download

Бугун, 18 март куни Ўзбекистон ҳудудига Россиянинг Европа қисмидан совуқ ҳаво массаси кириб келди. Бу ҳақда Гидрометеорология хизмати маркази хабар берди.

Республика ҳудудининг катта қисмида беқарор об-ҳаво сақланиб туради, Тошкент, Самарқанд, Жиззах, Сирдарё, Қашқадарё, Сурхондарё вилоятларида куннинг биринчи ярмида вақти-вақти билан ёғингарчилик (ёмғир, қор) бўлади. Фарғона водийси вилоятларида ёғингарчилик кучли бўлиши кутиляпти. Қорақалпоғистон Республикаси, Хоразм, Бухоро, Навоий вилоятларида ёғингарчилик бўлмайди.

Республика бўйича баъзи жойларда шамол тезлиги 15-20 м/с гача кучайиши кутилмоқда, Сурхондарё, Андижон, Наманган, Фарғона вилоятларида 22-27 м/с гача кучайиши мумкин. Ҳаво ҳарорати кундуз куни 4-7 даража илиқдан юқори бўлмайди.

Эртага, 19 март куни фақат Фарғона водийси вилоятларида, шунингдек, республиканинг тоғолди ва тоғли ҳудудларида бироз ёғингарчилик (асосан қор кўринишида) сақланиб туради. Ҳаво ҳарорати кечаси 2 даража совуқ-3 даража илиққача пасаяди, кундузи 5-10 даража илиқни ташкил этади.

Якшанба куни республиканинг катта қисмида қуруқ ва ўртача илиқ об-ҳаво кузатилади, фақат Қорақалпоғистоннинг шимолида баъзи жойларда бироз қор кузатилади. Ҳаво ҳарорати кечаси 2 даража совуқ-3 даража илиқ, кундузи 7-12 даражани ташкил этади.

18-19 март кунлари республиканинг тоғолди ва тоғли ҳудудларида сел келиши хавфи бор.

Шу кунларда республиканинг тоғли ҳудудларда қор кўчиши хавфи бор.


Мақола муаллифи

Теглар

об-ҳаво

Баҳолаганлар

856

Рейтинг

3

Мақолага баҳо беринг

Дўстларингиз билан улашинг