Чемпионлар лигасида “Ҳафтанинг энг яхши футболчиси” аниқланди

“Реал Мадрид” ҳужумчиси Килиан Мбаппе жорий йилнинг 26 ноябрь куни “Олимпиакос”га қарши қайд этган тўртта голидан сўнг Чемпионлар лигасидаги “Ҳафтанинг энг яхши футболчиси” деб топилди. Франциялик юлдузнинг ёрқин ўйини сабаб “Реал Мадрид” сафарда грек клубини 4:3 ҳисобида мағлуб этган эди.

Мбаппе бу голлари билан турнирнинг тўпурарлари рўйхатида ҳам 9 гол билан биринчи ўринга кўтарилди. У ушбу турда яхши ўйин кўрсатган Витинья, Пьер-Эмерик Обамеянг ва Серу Гирасси каби футболчиларни ортда қолдирди ва “Ҳафтанинг энг яхши футболчиси” унвонини қўлга киритди.

Килиан Мбаппе учала голни биринчи бўлимда атиги 6 дақиқа 42 сония ичида уриб, учрашув боришини тубдан ўзгартирган эди. Франциялик ҳужумчи иккинчи бўлимда ўзининг тўртинчи голини ҳам киритиб, “Реал Мадрид”нинг узоқ давом этган ғалабасиз сериясига барҳам бериб, жамоага зарур бўлган уч очкони тақдим этди.

Бу ғалаба “Реал Мадрид”нинг “Олимпиакос”га қарши бешинчи сафар ўйинида қўлга киритилган илк зафар бўлди. Натижада мадридликлар очколарини 12 тага етказиб, турнир жадвалида бешинчи поғонага кўтарилди.