Бўстон тумани ҳокими вафот этди
Жамият
−
31 Июль 2021 19791
Андижон вилояти Бўстон (Бўз) тумани ҳокими Садбархон Мамитова вафот этди. Бу маълумотни Андижон вилояти ҳокимлиги Матбуот хизмати QALAMPIR.UZ'га тасдиқлади.
Маълумотларга кўра, Садбархон Мамитова шифохонада даволанаётган бўлган.
Садбархон Мамитова 1966 йилда Андижон вилоятининг Жалақудуқ туманида туғилган. У 2020 йил 4 мартдан буён Бўстон тумани хокими этиб лавозимида фаолият юритиб келаётганди.
Садбархон Мамитова ҳоким бўлгунча “Юксалиш” умуммиллий ҳаракати Андижон вилояти ҳудудий бўлинмаси раҳбари бўлган.
QALAMPIR.UZ таҳририяти марҳумнинг яқинлари ва оила аъзоларига ҳамдардлик билдиради.
Live
Барчаси