Бухородаги “Геофизика экспедицияси” корхонасида ёнғин чиқди
3-саҳифа
−
05 Июнь 2023 3395
Бухоро вилояти Когон туманида жойлашган “Геофизика экспедицияси” корхонасида ёнғин содир бўлди. Бу ҳақда вилоят ФВБ Матбуот хизмати хабар берди.
Унда айтилишича, жорий йилнинг 4 июнь куни соат 22:09 да Когон шаҳар ФВБ диспетчерлик хизматига туман “Геофизика” МФЙ ҳудудида жойлашган “Геофизика экспедицияси” корхонаси биносида ёнғин содир бўлганлиги тўғрисида хабар келиб тушган. Хабарга асосланиб, воқеа жойига жами 7 та ёнғин-қутқарув автоэкипажлари жалб этилган. Техникалар воқеа жойига соат 22:15 да етиб бориб, ёнғин ярим соат ичида тўлиқ ўчирилган.
Ёнғин оқибатида бинонинг 4-қаватидаги 50 метр квадрат майдонда том ости ёғоч қурилмалари ёнган. Ҳозирда моддий зарари аниқланмоқда
“Дастлабки маълумотга кўра, ёнғиннинг келиб чиқиш сабаби электр симларининг қисқа туташуви деб тахмин қилинмоқда. Ёнғин оқибатида фуқароларнинг куйиш ва ҳалок бўлиш ҳолатлари қайд этилмади”, дейилади ФВБ хабарида
