Бухорода дўкон ертўласидаги портлаш оқибатида бир киши ҳалок бўлди

3-саҳифа

−

01 Март 2024 visibility8600 timer1 дақиқа

Бугун, 1 март куни Бухородаги автомобиль эҳтиёт қисмлари дўконларидан бирининг ертўласида портлаш юз берди. Оқибатда бир киши ҳалок бўлди. Бу ҳақда Фавқулодда вазиятлар вазирлиги матбуот хизмати хабар берди.

Воқеа соат 08:57 ларда Бухоро шаҳри “Ёшлик” МФЙдаги Алпомиш кўчасида жойлашаган икки қаватли бинонинг 1-қаватидаги автомобиль эҳтиёт қисмлари дўконининг ертўласида содир бўлган.

Портлаш оқибатида 1-қаватнинг 2 дона бетон плитаси қулаб тушган.

“Чақнаш сабаби ва зарари аниқланмоқда. Воқеа жойида ёнғин содир бўлмаган”, дейилади хабарда.

Дастлабки маълумотларга кўра, ҳодиса оқибатида 1 нафар фуқаро олган тан жароҳатлари билан воқеа жойида халок бўлган ва яна 1 нафар фуқаро турли даражадаги тан жароҳатлари билан шифохонага юборилган.

Ҳолат юзасидан дастлабки терговолди суриштирув ишлари олиб борилмоқда.

Мақола муаллифи