Бугун Исроил Мадримов WBC камари учун рингга кўтарилади

Бугун, 22 февраль куни Саудия Арабистонида катта бокс оқшоми бўлиб ўтади. Мусобақада ўзбекистонлик боксчи Исроил Мадримов ярим ўрта вазн тоифаси WBC вақтинчалик чемпион камари учун америкалик Вержил Ортисга қарши рингга чиқади.

Мазкур кеча марказий жангида биринчи оғир вазн тоифаси мутлақ чемпиони россиялик Артур Бетербиев ҳамюрти, асосий даъвогар Дмитрий Биволдан камарларини ҳимоя қилади. Ярим ўрта вазн тоифаси вакиллари  Исроил Мадримов ва Вержил Ортис жанги вақтинчалик  WBC камари учун ўтказилади. Ушбу жанг тахминан Тошкент вақти билан 23:40 дан сўнг бошланади.

Маълумот ўрнида, Бетербиев ва Бивол олдин ҳам тўқнаш келган, аниқроғи 2024 йилнинг 12 октябрь кунги илк жангда Артур Бетербиев Дмитрий Биволни очколар ҳисобига кўра мағлуб этиб, биринчи оғир вазн тоифаси мутлақ жаҳон чемпионига айланганди. 

Мадримов эса сўнгги жангини 2024 йилнинг 3 августида ўтказган ва ўшанда дунё бокс афсонаси, мағлубиятсиз боксчи Теренс Кроуфордга очколар ҳисобига мағлуб бўлганди. 

Эслатиб ўтамиз, кеча 21 февраль куни Мадримов ва Ортис жанг олди “face-to-face” маросимида иштирок этганди.