Бугун эгаси аниқ “Олтин тўп”ни топшириш маросими ўтказилади (видео)
Спорт
−
10:087269
Бугун, 28 октябрь куни Франция пойтахти Париж шаҳрида йилнинг энг яхши футболчиси учун “Олтин тўп” топшириш маросими бўлиб ўтади.
Расмий тадбир олдидан “Олтин тўп”нинг ижтимоий тармоқдаги расмий саҳифасида бу йил совринни ким қўлга киритишига шама қилинди. Видеода афсонавий футболчи Дидье Дрогба “Олтин тўп”ни Ресеб номи билан танилган блогер Лува де Педрейрога топширди. Эътиборлиси, блогер Бразилия терма жамоаси либосида эди.
Ушбу ҳолатдан сўнг, саҳифани кузатиб борувчи мухлислар “Реал Мадрид” ҳужумчиси Винисиус Жуниор орзу қилинган совринни қўлга киритишига янада ишонч ҳосил қилди.
Қайд этиш жоиз, ўтган мавсумда Винисиус “Реал” билан Ла Лига ва Европа Чемпионлар Лигасида ғолиб чиққанди.
