“Бошқа ҳеч ким қурбон бўлмасин”. Ibatov’s клиникасида қизи ногирон бўлиб қолган она фарёди

2019 йилда Нодир Ибатов томонидан эстетик жарроҳлик амалиётига ихтисослашган “Ibatov’s Clinic” клиникаси ташкил этилган. Шу пайтгача клиникада 20 мингга яқин жарроҳлик операциялари ўтказилган. Бироқ бу ердаги ҳамма жарроҳлик амалиётлари ҳам муваффақиятли якунланган эмас.

1999 йилда туғилган Гавҳар Полвонова 2023 йилнинг ёзида клиника томонидан эълон қилинган бонусли акцияда бурун шаклини ўзгартириш учун шу ерга мурожаат қилади. Бироқ операция кутилганидан муваффақиятли чиқмайди. Қиз бир умрга ногирон бўлиб қолади.

Бемор қизнинг онаси QALAMPIR.UZ билан суҳбатда фарзандини операция қилган шифокорнинг жарроҳлик бўйича ҳеч қандай лицензияси ва малакаси йўқлигини, бу ҳатто судда ҳам ўз тасдиғини топганини айтди.

“Қизимни операция қилган шифокор ҳатто жарроҳ эмас экан, у шунчаки лор шифокори экан. Судда ҳам бу ўз исботини топди. Лекин барча айб анестезиолог шифокорга ағдарилди”, дейди Гавҳарнинг онаси.

Шунингдек, аёл бу ишларни бошқа қурбонлар бўлмаслиги учун овоза қилаётганлигини билдирди.

Ушбу интервьюни QALAMPIR.UZ’нинг YouTube’даги саҳифасида томоша қилишингиз мумкин.