Билл Гейтс сунъий интеллект келажагини башорат қилди

Microsoft корпорациясига асос солганига қарийб ярим аср ўтган бўлса ҳам, Билл Гейтс ҳамон IT-индустриясининг асосчиларидан бири бўлиб қолмоқда. Гейтс ўз блогида сунъий интеллект (Artificial Intelligence) ва инновациялар, жумладан, уларнинг келгуси йилда қандай ривожланиши ҳақида ўз фикрларини билдирди.

Миллиардернинг фикрича, 2023 йилда сунъий интеллектнинг ривожланиши яқин келажакни янада кўпроқ шакллантирадиган технологик тенденциянинг бошланиши холос. Бундан ташқари, у сунъий интеллект диққат марказида бўлишини ва дунёни "кўпроқ адолатли жойга" айлантириши мумкинлигини башорат қилмоқда. Бу сўз Гейтснинг олти саҳифали хабарида 28 марта учраган.

Унга кўра, сунъий интеллект “инновациялар оқимини кўпайтириш” учун яратилган ва энергетика, автомобиллар, самолётлар ва рақамли соҳадаги ютуқларни тилга олган. Агар технологияга ўз вақтида ақлли сармоя киритилса, бу инновациялар дунёнинг камбағал ва бой ҳудудларига етиб бориши учун кетадиган вақт оралиғидаги бўшлиқни камайтиришга ёрдам беради.

Гейтс “инновациялар ўтган асрда бизнинг ҳаётимиз яхшиланишининг асосий сабаби бўлди”, деган.

У ҳатто Гейтс жамғармаси учун стратегия шарҳларини ишлаб чиқиш учун сунъий интеллект ёрдамида юзлаб саҳифа материалини саралашни режалаштираётгани ҳақида гапирган.

Маълумотларга кўра, Гейтс жамғармаси биринчи навбатда учинчи дунё мамлакатларига номутаносиб равишда таъсир кўрсатадиган соғлиқ муаммоларини ҳал қилувчи воситаларни яратишни қўллаб-қувватлайди. Гейтс постида ОИТС, безгак ва сил каби касалликларни мисол қилиб келтирган.

“Биз AI-ни фойдалироқ қилиш ҳақида глобал соғлиқни сақлаш соҳаси орқали кўп нарсаларни ўрганишимиз мумкин. Асосий сабоқ шуки, маҳсулот ундан фойдаланадиган одамларга мослаштирилган бўлиши керак”, деган у.

Инвестор сунъий интеллект ривожланишининг ҳозирги босқичини Интернетнинг дастлабки даври билан таққослаб, бой ва камбағал мамлакатлар ўртасида янги технологияларни ўзлаштиришда қанчалик фарқ борлигини эслатган.

"Агар мен башорат қилишим керак бўлса, АҚШ каби юқори даромадли мамлакатларда умумий аҳоли томонидан сунъий интеллектдан фойдаланишнинг сезиларли даражаси 18 ойдан 24 ойгача давом этишини тахмин қилган бўлардим. Тахминан уч йилдан сўнг бу Африка мамлакатларига тарқалиши мумкин", дея изоҳлаган миллиардер.

Шунингдек, у бу бўшлиқни бошқа технологиялар орқали тўлдириш мумкинлигига тўхталган.

Эслатиб ўтамиз,  Римда Бош вазир Жоржиа Мелонининг “Италия биродарлар” партияси тадбирида қатнашган Илон Маск баъзи давлатларнинг йўқ бўлиб кетишини башорат қилган эди.