Беллингем қишда жамоасини алмаштириши мумкин
Спорт
−
08 Январь 4732
“Реал” аъзоси Жуд Беллингемнинг укаси, “Сандрлэнд” клуби ярим ҳимоячиси Жоб Беллингем қишки трансферлар ойнасида “Кристал Пелас”га ўтиши мумкин. Бу ҳақда “talkSPORT” нашри хабар берди.
Манбага кўра, “Кристал Пелас” январь ойида таркибни кучайтримоқчи ва бунинг учун Беллингем трансферини амалга ошириш ниятида. Аммо “Сандрлэнд” футболчи учун 20 миллион евро талаб қилмоқда. Ярим ҳимоячи учун “Арсенал”, “Тоттенхэм” ва “Вест Хэм” клублари даъвогарлар қаторида келтирилган.
Маълумот ўрнида, Жуд Беллингемнинг укаси Чемпионшипда жорий мавсум 22 та ўйинда майдонга тушиб, 4 та гол урди ва 3 та голли узатма амалга оширди. Жобнинг нархи “Transfermarkt” порталида 18 миллион еврога баҳоланган.
