Белгороддаги кўп қаватли уйнинг қулаши оқибатида 15 киши ҳалок бўлди
Олам
−
13 Май 2024 6275 1 дақиқа
Украина Қуролли кучлари ҳужуми оқибатида Белгороддаги ўн қаватли подъезд қулаши оқибатида ҳалок бўлганлар сони 15 нафарга етди. Бу ҳақда Россия Фавқулодда вазиятлар вазирлиги маълум қилди.
“Қутқарувчилар Белгородда вайроналар остидан 15-қурбонни олиб чиқди”, дейилади хабарда.
ФВВнинг маълум қилишича, соат 6:30да Белгородда қидирув-қутқарув ва вайроналарни тозалаш ишлари якунланган. Қурбонлар орасида икки бола бор. Мутахассислар 17 кишини қутқаришга муваффақ бўлди. Яна 20 киши, жумладан, икки бола яраланган.
Эслатиб ўтамиз, кеча, 12 май куни Украина билан чегарада жойлашган Белгород шаҳрида кўп қаватли уй қулаб тушганди. Шаҳарда кун бошидан бери беш марта ҳаво ҳужуми ҳақида огоҳлантириш эълон қилинган. Қутқарув ишлари вақтида одамлар устига бинонинг том қисми ҳам қулаб тушган.
Live
Барчаси
