Байден Янги йилни қаерда нишонлаши маълум бўлди
Олам
−
23 Декабрь 2023 6751
АҚШ Президенти Жо Байден Рождество байрамини ўзининг Кэмп-Дэвиддаги (Мэриленд) қароргоҳида, Янги йилни эса Кариб денгизидаги Сент-Круа (АҚШ Виржиния ороллари) оролида нишонлайди. Бу ҳақда кеча, 22 декабрь куни Оқ уй вакиллари маълум қилди.
"Шанба куни Президент Кэмп Дэвидга боради, у ерда Рождество байрами учун қолади. Сешанба куни Президент ва биринчи хоним Оқ уйга қайтади. Чоршанба куни улар Сент-Круага боради. Улар Янги йилни нишонлаш учун шу ерда қолади", дейилади Оқ уй пресс пули хабарида.
Маълумот учун, Рождество АҚШда 25 декабрда нишонланади.
Эслатиб ўтамиз, Президент Байден ўтган Янги йилни ҳам Сент-Круада нишонлаган.
Live
Барчаси
