Байден бугун бензин нархини пасайтириш бўйича янги чораларни эълон қилади

Олам

image

АҚШ Президенти Жо Байден бугун, 19 октябрь куни АҚШ маъмуриятининг мамлакатда бензин нархини пасайтириш бўйича янги қадамларини эълон қилади. Бу ҳақда Оқ уй матбуот котиби Карин Жан-Пьер маълум қилди. 

“Президент сўнгги бир неча ой ичида бензин нархининг туширилишини таъминлаш учун тарихий саъй-ҳаракатларни амалга оширди”, дейди у CNN’га. 

Қўшма Штатларда бензиннинг чакана нархининг ошиши жаҳон бозорида нефть нархининг ошиши фонида қиш охирида бошланган. АҚШда ёқилғи нархи июнь ойида энг юқори чўққига чиқди: бир галлон (3,79 дан 4,55 литргача бўлган инглиз ўлчовлар тизимидаги ҳажм ўлчови – таҳр.) бензиннинг ўртача нархи 5,016 долларни ташкил этди.

Ёз ойларида Президент маъмурияти нефть захираларини миллий захирадан чиқариш ҳисобига мамлакатда бензин нархини жиддий пасайтиришга эришди. Нархлар 15% дан кўпроқ пасайиб, галлон (3,785 литр) учун 4 доллардан камроқни ташкил этди.

Шунингдек, “Reuters”нинг АҚШ маъмурияти вакилига таяниб ёзишича, АҚШ ҳукумати мамлакатда энергия нархини чеклаш чораси сифатида ёқилғи экспортига чеклов жорий этиш имкониятини ўрганмоқда. 

“Биз барча мумкин бўлган воситаларни, ички бозорни барқарор таъминлашга ёрдам бериши мумкин бўлган ҳамма нарсани кўриб чиқмоқдамиз”, дея иқтибос келтирган нашр. 


Мақола муаллифи

Теглар

АҚШ Бензин

Баҳолаганлар

71

Рейтинг

3

Мақолага баҳо беринг

Дўстларингиз билан улашинг