“Барселона”нинг икки асосий футболчиси “Эль-Класико”ни ўтказиб юборади

“Барселона” ҳимоячилари Эрик Гарсия ва Жюль Кунде Испания чемпионатининг 9-турида “Бетис”га қарши (5:2) учрашувда жароҳат олишди. Шу сабабли улар “Эль-Класико”да иштирок эта олмайди. Бу ҳақда каталонияликлар клуби матбуот хизмати хабар берди.

Эрик Гарсия соннинг тўғри мушагидан жароҳат олган. Дастлабки маълумотларга кўра, испаниялик футболчининг тикланиши бир ойгача давом этиши мумкин. Шу боис у ноябрь ойидаги халқаро танаффусга қадар “Барселона” сафида майдонга тушмайди.

Жюль Кунденинг эса тўпиғи қайрилган. Франциялик ҳимоячи ПСЖга қарши учрашувни, шунингдек, 25 октябрь куни “Реал Мадрид”га қарши ўтказиладиган Испания чемпионатининг 10-тур баҳсини ҳам ўтказиб юборади.

Эслатиб ўтамиз, аввалроқ Мадриднинг “Реал” клуби ҳужумчиси Винисиус Жуниор Испания чемпионатининг 8-турида “Вильярреал”га қарши учрашувда (1:0) қизил карточка олгани учун “Барселона”га қарши бўлиб ўтадиган “Эль-Класико”ни ўтказиб юбориши ҳақида хабар берилганди.