Автобусларда нималар тақиқланади?
Фойдали
−
07 Июль 2019
5431Шаҳар автобусларида юраркан турли воқеаларга дуч келамиз. Чиптачи ёки ҳайдовчи йўловчини тартибга риоя қилмагани учун автобусдан тушириб юборганига ҳам гувоҳ бўлганмиз. Ҳўш, автобусларда аслида нималар тақиқланади. Адлия вазирлигининг “Ҳуқуқий ахборот” каналида шу тўғрида маълумот берилди.
Автобусда қуйидагилар тақиқланади:
• йўловчиларнинг маст ҳолда юриши;
• алкоголь ва тамаки маҳсулотларини истеъмол қилиш;
• ҳайдовчи (кондуктор)нинг рухсатисиз ойналарни очиш;
• ойнадан ташқарига осилиш;
• тез ёнувчан, портловчи, заҳарловчи, заҳарли, қўланса, радиоактив моддалар ва ашёларни, ғилофсиз ўқ отар қурол, тиғли ва кескир ашёларни олиб юриш;
• ўлчами 100 см х 50 см х 30 сантиметрдан катта ёки битта ўрин учун оғирлиги 60 килограммдан ортиқ буюмларни, шунингдек узунлиги 200 сантиметрдан ортиқ бўлган буюмларни олиб юриш;
• салонни ёки йўловчиларнинг кийимларини ифлос қилувчи буюмлар ва ашёларни олиб юриш.
LiveБарчаси