Артета АПЛнинг энг кўп маош оладиган мураббийга айланади – ОАВ

“Арсенал” бош мураббий Микель Артета билан шартномани узайтирмоқчи ва бу уни Англия Премьер-лигасида (АПЛ) энг кўп маош оладиган мураббийга айлантиради. Бу ҳақда “The Telegraph” нашри хабар берди.

Жорий йилнинг 19 май куни “Арсенал” 2003-2004 йилги мавсумдан бери илк бор Англия Премьер-лигаси чемпионлигини қўлга киритди. 44 ёшли Артетанинг клуб билан амалдаги шартномаси 2027 йил ёзигача давом этади ва унинг ҳозирги маоши йилига тахминан 17,4 миллион еврога тенг.

Манбага кўра, Артетанинг лондонликлар билан янги шартнома маошининг сезиларли даражада ошишини ўз ичига олади. Ҳозирги кунда АПЛда энг кўп маош оладиган мураббий “Манчестер Сити” бош мураббийи Хосеп Гвардиола ҳисобланади. Унинг амалдаги шартномасига кўра, йиллик маоши камида 23 миллион еврога тенг.

Маълумот учун, Микель Артета 2019 йилдан бери “Арсенал”ни бошқариб келмоқда. У бундан олдин Гвардиоланинг “Манчестер Сити”даги мураббийлар штабида ишлаган.