“Арқадағ” аэропортда “пойга” уюштирди (видео)
Олам
−
27 Июль 13653 1 дақиқа
Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов Honda Civic спорт машинасида Туркманбоши аэропортининг учиш-қўниш йўлагини синовдан ўтказди. Бу ҳақда “Altyn Asyr” хабар берди.
Нашрга кўра, собиқ президент “синовдан ўтказиб кўрган” аэропортнинг бу йўлаги жорий йилнинг август ойи бошида қайта очилиши керак.
Бердимуҳамедов аэропортда бўлажак БМТ форумининг хорижлик меҳмонларини қабул қилишга қанчалик тайёрлигини текширмоқчи бўлган. Терминалларни кўздан кечириб, келажакдаги йўловчи ташишга тайёргарликни муҳокама қилгач, у учиш-қўниш йўлаги сиртларини шахсан синаб кўришга қарор қилган.
“Арқадағ” машина тезлигини 240 км/соатгача кўтарган ва манёврлар амалга оширган. Хабарда Туркманбоши аэропорти орқали парвозларни қайта тиклаш санаси айтилмаган.
