Аргентинага финалда Фолкленд байроғини кўтаришга рухсат берилди – ОАВ

Аргентина терма жамоаси FIFA ва АҚШ Оқ уйидан Фолкленд (Малвинас) ороллари байроғини яна бир бор кўтариш учун рухсат олди. Бу ҳақда “The Guardian” нашри хабар берди.

Нашр маълумотига кўра, ушбу рухсат Аргентина терма жамоаси бугун, 19 июль куни Испанияга қарши 2026 йилги Жаҳон чемпионати финалида ғалаба қозонган тақдирда амал қилади.

Қайд этилишича, жорий мундиалда аргентиналик футболчилар Англияга қарши ярим финалдан кейин илк бор “Las Malvinas son Argentinas” (“Малвинас ороллари Аргентинага тегишли”) деган ёзув туширилган баннерни намойиш этган. Ўша баҳс Аргентинанинг 2:1 ҳисобидаги ғалабаси билан якунланган эди.

Маълумот учун, 2026 йилги Жаҳон чемпионати 11 июндан 19 июлга қадар АҚШ, Канада ва Мексикада бўлиб ўтмоқда. Аргентина амалдаги жаҳон чемпиони ҳисобланади. Аргентиналиклар 2022 йил Қатарда бўлиб ўтган мундиаль финалида Франция билан асосий ва қўшимча вақтда 3:3 ҳисобида дуранг ўйнаб, пенальтилар сериясида 4:2 ҳисобида ғалаба қозонган эди.