Аргентинада ўйиндан сўнг 20 ёшли аёл ҳакам калтакланди (видео)
Спорт
−
26 Январь 2306 1 дақиқа
Аргентинада 20 ёшли ҳакам Виктория Круз футбол ўйинидан сўнг тажовузга учради. Бу ҳақда “La Nacion” нашри хабар берди.
Маълум қилинишича, Круз ҳаваскорлар лигаси плей-офф босқичи доирасидаги учрашувда ҳакамлик қилган. Якуний ҳуштакдан кейин бир гуруҳ мухлислар унга ҳужум қилиб, ерга йиқитган, сочларидан тортган ва бошига бир неча бор мушт туширган.
Ҳодиса оқибатида қиз қисқа муддатга ҳушини йўқотган. У шифохонага етказилган, бироқ текширувлар натижасида жиддий жароҳатлар аниқланмаган.
Ҳакамни ҳимоя қилишга уринган футболчилардан бири ҳам калтакланган ва шифохонага ётқизилган. Ҳозирда полиция ҳодисага алоқадор барча шахсларнинг шахсини аниқламоқда.
Эслатиб ўтамиз, аввалроқ Боливия кубогининг чорак финалида “Реал Оруро” ва “Блуминг” ўртасидаги учрашув катта жанжал билан якунланганди. Оқибатда ҳакам футболчиларга 17 та қизил карточка кўрсатган.
Live
Барчаси
