АПЛ футболчиларининг трансфер нархи янгиланди

Нуфузли “Transfermarkt” портали Англия Премьер-лигаси (АПЛ) футболчиларининг бозор қийматини янгилади. Рейтингга кўра, “Манчестер Сити” ҳужумчиси Эрлинг Холанд 200 миллион евро кўрсаткичи билан лигадаги энг қиммат ўйинчи бўлиб қолмоқда.

Янгиланган рўйхатда “Арсенал” юлдузи Букайо Сака ўз қийматидан 10 миллион евро йўқотган бўлса-да, 120 миллион евро билан иккинчи ўринни сақлаб қолди. Кучли учликни унинг жамоадоши, нархи ўзгаришсиз қолган (120 миллион евро) Деклан Райс якунлаб берди. Шунингдек, Ўзбекистон миллий терма жамоаси ва “Манчестер Cити” клуби футболчиси Абдуқодир Ҳусановнинг трансфер нархи ўзгаришсиз (35 миллион евро) қолди.

Айни пайтда Премьер-лиганинг энг қиммат 10 футболчиси қуйидагилар:

•  Эрлинг Холанд (“Манчестер Сити”) – 200 миллион евро;
•  Букайо Сака (“Арсенал”) – 120 миллион евро;
•  Деклан Райс (“Арсенал”) – 120 миллион евро;
•  Коул Палмер (“Челси”) – 110 миллион евро;
•  Мойсес Кайседо (“Челси”) – 110 миллион евро;
•  Флориан Вирц (“Ливерпуль”) –110 миллион евро;
•  Александер Исак (“Ньюкасл”) –100 миллион евро;
•  Доминик Собослаи (“Ливерпуль”) – 100 миллион евро;
•  Вильям Салиба (“Арсенал”) – 90 миллион евро;
•  Энцо Фернандес (“Челси”) – 90 миллион евро.

Эслатиб ўтамиз, аввалроқ Ўзбекистон терма жамоаси ва “Истанбул Башакшеҳир” клуби ҳужумчиси Элдор Шомуродовнинг бозор қиймати 2 миллионга юқорилаб, 7 миллион еврога кўтарилган эди.