Англия ва Аргентина мухлислари ўртасида оммавий муштлашув юз берди
Спорт
−
16 июл 6219 1 дақиқа
АҚШнинг Жоржия штати, Атланта шаҳрида бўлиб ўтган Жаҳон чемпионати ярим финалидан сўнг Англия ва Аргентина терма жамоалари мухлислари ўртасида тўқнашув юз берди. Бу ҳақда “The Sun” нашри хабар қилди.
Маълум қилинишича, Аргентинанинг 2:1 ҳисобидаги ғалабасидан кейин “Атланта” стадиони яқинида икки жамоа мухлислари ўртасида жанжал келиб чиққан.
Нашр маълумотига кўра, тартибсизликлар оқибатида ҳар икки томоннинг бир неча нафар мухлиси полиция томонидан қўлга олинган.
Эслатиб ўтамиз, ярим финалда Аргентина Англияни 2:1 ҳисобида мағлуб этиб, Жаҳон чемпионати финалига йўл олган эди. Жорий йилнинг 19 июль куни Нью-Жерси штатидаги Ист-Ратерфорд шаҳрида бўлиб ўтадиган финалда Аргентина Испанияга қарши майдонга тушади. Испания ярим финалда Францияни 2:0 ҳисобида мағлуб этган эди.
Live
Барчаси
