Андижондаги тошқинда қанча хонадон зарар кўргани айтилди
Жамият
−
08 Май 9156 1 дақиқа
Аввалроқ, Андижон вилоятининг Булоқбоши туманида “Сарвонтепа” МФЙ ҳудудидан оқиб ўтувчи Жанубий Фарғона канали қирғоқларининг бирига шикаст етгани оқибатида кўчаларни сув босгани ҳақида хабар берилган эди. Тошқинда 560 та хонадон талофат кўрган. Бу ҳақда Ўзгидромет хабар берди.
Маълум қилинишича, ҳодиса оқибатида ушбу “Сарвонтепа” МФЙда жойлашган бир нечта хонадонларга сув кирган.
ФВВга кўра, ҳозирда техникалар ёрдамида сув оқимини пасайтириш ва кирган сувларни чиқариб ташлаш ишлари олиб борилмоқда.
Билдирилишича, вазият тўлиқ назоратга олинган, ҳолат юзасидан қўшимча маълумот тақдим этилади.
