Андижон аэропорти фаолиятини вақтинча тўхтатди

Жамият

−

20 Декабрь 2022 visibility5329 timer1 дақиқа

Ҳаддан ташқари совуқ ва туман туфайли Андижон халқаро аэропорти фаолияти чекланди. Бу ҳақда UzAirports матбуот хизмати хабар берди.

Андижондаги ноқулай шароитлар туфайли “Uzbekistan Airways” авиакомпаниясининг HY049 (Андижон-Самарқанд), HY050 (Самарқанд-Андижон), HY092 (Андижон-Тошкент) йўловчи рейслари бекор қилинди.

Қайд этилишича, сотиб олинган чипта пуллари йўловчиларга қайтариб берилади.

Вилоят аэропорти маълумотларига кўра, ўта совуқ туман эртагача давом этиши кутилмоқда.

Мақола муаллифи