Анчелотти “Реал”нинг сенсацион мағлубиятига изоҳ берди
Спорт
−
03 Октябрь 3983
Европа Чемпионлар лигасининг (ЕЧЛ) 2-турида “Реал” ҳужум чизиғи вакиллари Франциянинг “Лилль” жамоасига қарши баҳсда самарасиз ҳаракатланди, мазкур ҳолат эса якунда “қироллик клуби”нинг мағлубиятига сабаб бўлди. Бу ҳақда жамоа бош мураббийи Карло Анчелотти ўйиндан кейинги матбуот анжуманида айтиб ўтди.
Учрашувдаги ягона гол 45+2 дақиқада “итлар” аъзоси Жонатан Дэвид томонидан киритилди.
“Ушбу ўйинни таҳлил қилиш қийин. Биз ҳар томонлама ёмон ўйин ўтказдик. Ҳеч қандай вазият яратмадик, тўпга эгалик қилишда суст ҳаракатландик, мағлубиятни ҳеч қандай баҳона билан изоҳлай олмаймиз. Ҳужумчиларимизга кўпроқ вертикал ўйин керак. Ўйинимиз чиқмади ва барчада ёмон таассурот қолдирдик”, дейди Анчелотти.
Европа Чемпионлар лигасининг 1-турида “Реал” “Штутгарт”ни мағлуб этганди (3:1), “Лилль” эса “Спортинг”га имкониятни бой берган (0:2). Ҳозирги вақтда ЕЧЛ умумий жадвалида “Реал” 17, “Лилль” эса 18-ўринда бормоқда.
Live
Барчаси
