Анчелотти “фантастик тўртлик” билан жанжаллашди

Мадриднинг “Реал” клуби бош мураббийи Карло Анчелотти “Атлетико”га (1:1) қарши ўйинда баъзи футболчиларининг хатти-ҳаракатидан ғазабланди. Бу ҳақда “Footmercato” хабар берди.

Манбага кўра, италиялик мутахассис кийиниш хонасида тўрт нафар футболчи билан баланд овозда гаплашган. Анчелотти Мадридда “фантастик тўртлик” номини олган Килиан Мбаппе, Жуд Беллингем, Винисиус Жуниор ва Родригодан кескин норози бўлган.

Анчелотти бу ўйинчилар “Реал Мадрид”нинг ҳужумлари вақтида ўзларининг индивидуал ҳаракатларига эътибор қаратишганидан ва кўпинча ўзларининг қулайроқ позициядаги жамоадошларига эътибор бермасликларидан норози.

Қолаверса, мураббий ҳимоявий ўйиндан норози бўлди. Ҳужумкор ўйинчиларнинг умуман ҳимояга қайтмаётгани ёки жуда секин ҳаракат қилаётгани мураббийнинг норозлигига сабаб бўлди. Карло жамоа футболчиларидан ўзгаришни талаб қилган, акс ҳолда у асосий таркибга ўзгартиришлар киритилишини маълум қилган.

Маълумот учун, 12 февралга ўтар кечаси Тошкент вақти билан соат 01:00 да “Реал” Европа Чемпионлар лигаси доирасида “Ман Сити” билан тўқнаш келади. Учрашув мусобақанинг 1/8 финалга ўтиш ўйини ҳисобланади.