Алкоголли ичимликлар нархи оширилди

Ўзбекистонда 1 декабрдан алкоголь маҳсулотларининг нархи оширилди. Бу ҳақда Молия вазирлиги ва Давлат солиқ қўмитасининг “Алкоголь маҳсулотлари учун энг кам улгуржи-сотиш ва чакана нархларни қайта кўриб чиқиш тўғрисида”ги қарорида белгиланди.

Алкоголь маҳсулотлари учун энг кам улгуржи-сотиш ва чакана нархлар қуйидагича этиб белгиланди:

1. Шароб (1 литр тайёр маҳсулот учун сўмда)

Ишлаб чиқариш корхоналарининг энг кам улгуржи сотиш нархи: 12 000 сўм (11 200 сўм эди).

Минимал чакана нархи: 14 200 сўм (13 200 сўм эди).

2. Коняк (1 литр тайёр маҳсулот учун сўмда)

Ишлаб чиқариш корхоналарининг энг кам улгуржи нархи: 48200 сўм (41200 сўм эди).

Минимал чакана нархи: 57 800 сўм (49 400 сўм эди).

3. Ароқ ва бошқа алкоголли ичимликлар (1 литр тайёр маҳсулот учун сўмда)

Ишлаб чиқариш корхоналарининг энг кам улгуржи нархи: 30 200 сўм (28 600 сўм).

Минимал чакана нархи: 36 200 сўм (34 400 сўм эди).

Қарор 2021 йил 1 декабрдан кучга кирди.

Эслатиб ўтамиз, алкоголли ичимликларнинг нархи сўнгги бор жорий йилнинг баҳорида оширилганди.