Альварес “Атлетико” билан шартномасини бир томонлама бекор қилиши мумкин

Аргентина терма жамоаси ва “Атлетико Мадрид” клуби ҳужумчиси Хулиан Альварес Мадрид клуби билан тузган шартномасини бир томонлама бекор қилиши мумкин. Бу ҳақда “Mundo Deportivo” нашри хабар берди.

Бундай ҳолатда Мадрид клубига тўланиши лозим бўлган эҳтимолий товон пули миқдори Испания суди томонидан белгиланади. Мазкур масалада FIFA қоидалари эмас, Испания меҳнат қонунчилиги қўлланилиши мумкин.

Шу сабаб Испания Қироллик футбол федерацияси футболчини рўйхатдан ўтказиши, “Барселона” эса суд қароридан сўнг трансфер билан боғлиқ масалаларни ҳал қилиши мумкинлиги айтилмоқда.

Альварес айни пайтда Аргентина терма жамоаси сафида 2026 йилги Жаҳон чемпионатида иштирок этмоқда.

Эслатиб ўтамиз, аввалроқ “Барселона” жамоаси “Атлетико Мадрид”га 100 млн таклиф қилган эди. Мадридликлар эса ушбу таклифни рад этиб футболчини фақат 500 млнлик товон пули тўлангандагина қўйиб юборишини маълум қилганди.