“Ал-Ҳилол” Бенземанинг трансферини эълон қилди

Франция терма жамоасининг собиқ ҳужумчиси Карим Бензема “Ал-Иттиҳод” клубини тарк этиб, “Ал-Ҳилол” билан расмий шартнома имзолади. Бу ҳақда клуб матбуот хизмати хабар берди.

Маълумотларга кўра, франциялик ҳужумчи “Ал-Ҳилол” билан 2027 йилги мавсум сўнгигача шартнома имзолаган. 

Шунингдек, хабарларга кўра, “Ал-Наср” ҳужумчиси Криштиану Роналду Бенземанинг “Ал-Иттиҳод”дан “Ал-Ҳилол”га ўтишига қарши бўлган. Сабаби Роналду Саудия Арабистони Давлат инвестиция жамғармаси (PIF)нинг “Ал-Наср”га нисбатан муносабатидан норози бўлган. Роналду PIF’нинг клубга бўлган муносабатидан, айниқса жамғарма томонидан бошқариладиган рақиб жамоаларга нисбатан кўрсатилаётган эътибордан норози экани сабабли “Ал-Наср”да ўйнашдан бош тортганини маълум қилган.

Бунгача, Бензема “Ал-Иттиҳод” томонидан таклиф этилган янги шартномани рад этган эди. Франциялик футболчи 2023 йил ёзидан буён Саудия Арабистони чемпионатида тўп суриб келмоқда. Жорий мавсумда Бензема клуб сафида барча мусобақаларда 21 та учрашувда майдонга тушиб, 16 та гол муаллифига айланди.