АҚШга қарши кучлар қўшма ҳарбий машғулот бошлади
Олам
−
16 март 2023 19382 1 дақиқа
Хитой, Эрон ва Россия жорий йилнинг 15-19 март кунлари Уммон кўрфазида қўшма ҳарбий-денгиз машқларини ўтказмоқда. Бу ҳақда кеча, 15 март куни Хитой ва Россиянинг мудофаа вазирликлари хабар берди.
“2023 йилда ўтказиладиган “Денгиз хавфсизлиги камари” машғулотлари иштирокчи мамлакатлар ҳарбий-денгиз кучлари ўртасидаги амалий ҳамкорликни чуқурлаштиришга ёрдам беради”, дейилади Хитой мудофаа вазирлиги баёнотида.
Россия Мудофаа вазирлиги эса машғулотларнинг фаол босқичи 16-17 март кунлари бўлиб, улар турли қўшма манёврлар, жумладан, кундузи ва тунги артиллерия отишмаларини ўз ичига олишини маълум қилган.
Эслатиб ўтамиз, олдинроқ Россия, Хитой ва Жанубий Африка Республикаси ҳарбий-денгиз кучлари Жанубий Африка Республикаси қирғоқларида қўшма машғулот ўтказган эди. АҚШ эса Жанубий Корея билан ҳамкорликда Шимолий Корея таҳдидига жавобан “Озодлик қалқони” қўшма ҳарбий машғулотларини бошлаганди.
Live
Барчаси
