АҚШ Форс кўрфазидаги ўрнини Хитойга бой бермоқда

Олам

image

Америка Қўшма Штатлари углеводородларга тўла Форс кўрфазидаги ўз ўрнини Хитойга бой бермоқда. Бу ҳақда Германиянинг “Junge Welt” газетаси ёзди.

Нашрнинг қайд этишича, Саудия Арабистони, БАА ва минтақанинг бошқа араб давлатлари ташқи сиёсатини сезиларли даражада фаоллаштириш ниятида. Улар яқинда шерикчилик қилиш учун янги ҳамкорлар қидирмоқда. Айниқса Қўшма Штатлар Хитой билан рақобатлашишга эътибор қаратишга қарор қилганидан кейин араб давлатларининг бу ҳаракатлари янада кучайди.

Таъкидланишича, Ар-Риёд ва Абу-Даби эртами-кечми Вашингтоннинг фаол кўмагисиз Эронга мустақил равишда қарши туришга мажбур бўлишини тушунади. Шунинг учун улар Яқин Шарқ минтақасида ўзининг сиёсий ва иқтисодий таъсирини фаол равишда тарғиб қилаётган Пекин билан муносабатларни ўрнатмоқда.

Вашингтон ўз фаоллигини пасайтирган жойда Пекин дарҳол ҳаракат қила бошлайди. Бу АҚШнинг Форс кўрфази ҳудудидаги баҳссиз гегемонлигига барҳам топаётганидан ва тарихий миқёсда кучлар мувозанатининг ўзгарганидан далолат беради.

ХХР Раиси Си Цзиньпин Саудия Арабистонига давлат ташрифи билан келганида Пекин Ар-Риёд билан муносабатларни ривожлантиришни Яқин Шарқдаги дипломатиясида устувор вазифа сифатида қўйишини маълум қилганди. Шунингдек, у Хитой Қироллик билан нефть савдоси кўламини оширишга ва энергетика соҳасида йирик қўшма лойиҳаларни амалга оширишга тайёрлигини билдирган.


Мақола муаллифи

Теглар

Саудия Арабистони Хитой Си Цзиньпин

Баҳолаганлар

332

Рейтинг

3

Мақолага баҳо беринг

Дўстларингиз билан улашинг