АҚШ Эрон раҳбарлари ҳақида маълумот берганларга 10 млн доллар бермоқчи

АҚШ Давлат департаменти ўзининг Rewards for Justice дастури орқали Эрон Ислом Республикаси раҳбарияти ва Ислом инқилоби қўриқчилари корпусига алоқадор юқори мартабали расмийлар ҳақида маълумот берган шахсга 10 миллион АҚШ доллари мукофот таклиф қилди. Бу ҳақда “Reuters” хабар берди.

Таклиф 10 миллион долларгача мукофотни ўз ичига олади ва уни қуйидаги шахслар ҳақида ишончли ахборот берувчилар олиши мумкин:

Мужтабо Хоманаий, Эроннинг янги олий етакчиси;

Корпусга боғлиқ юқори лавозимдаги расмийлар ва ҳарбий етакчилар.

АҚШ маълумотига кўра, мазкур шахслар “корпус орқали террорчилик ва хавфли фаолиятларга бошчилик қилган”, деб айбланмоқда.

Корпусни АҚШ 2019 йилдан бери “террор ташкилоти” деб белгилаган.

Мукофот таклифлари шу йил давом этаётган минтақавий кескинлик фонида эълон қилинган.

АҚШ томонидан берилган расмий баёнотда айтилишича, маълумот бериш шарти — мазкур шахсларнинг кимлигини аниқлаш, жойини билиш ёки уларга оид ишончли ахборот тақдим этишдир.

Бу таклиф фақат АҚШ ҳукумати томонидан эълон қилинган расмий мукофот бўлиб, бошқа давлатларга тааллуқли эмас.