АҚШ аёллар таълимини чеклаган “Толибон” амалдорларини жазолади

АҚШ Молия вазирлиги Афғонистонда аёлларнинг таълим олишини чеклагани учун “Толибон”нинг икки юқори мартабали амалдорига санкция киритди. Бу ҳақда Америка Молия вазирлиги матбуот хизмати маълум қилди.

Чекловлар “Толибон”нинг Эзгуликни тарғиб қилиш ва иллатларнинг олдини олиш бўйича вазири Холид Ҳанафий, шунингдек, Афғонистон Фанлар академияси раҳбари Фаридуддин Маҳмудга таъсир кўрсатди.

АҚШ Молия вазирлигига кўра, Фаридуддин Маҳмуд аёлларнинг таълим олишини тақиқлашни қўллаб-қувватлайди ва олтинчи синфдан юқори қизлар учун мактаб ва университетларни ёпишга қарор қилган муваққат ҳукуматнинг бир қисмидир.

Эркаклар “Глобал Магнитский қонуни” остида қолган.

Тергов ҳибсхонасида вафот этган россиялик Сергей Магнитский номи билан аталган “Глобал Магнитский қонуни” дастлаб АҚШ расмийлари томонидан унинг ўлимига алоқадор бўлган Россия расмийларини жазолашга уриниш эди.

2016 йилда қонун глобал префиксини олди ва Қўшма Штатларга бутун дунё бўйлаб коррупцион амалдорлар ва инсон ҳуқуқларини бузувчиларга қарши виза ва молиявий чекловлар жорий этиш имконини берди.

Эслатиб ўтамиз, аввалроқ Тинчлик бўйича Нобель мукофоти совриндори Малала Юсуфзай “Толибон”нинг Афғонистондаги аёлларга қарши сиёсатини гендер апартеид деб атаганди ва халқаро ҳамжамиятни буни инсониятга қарши жиноят деб эълон қилишга чақирган.