Абдусатторов 235 минг долларлик турнирда совриндор бўлди
Спорт
−
15 Июль 2023
5079Шахматнинг рапид йўналиши бўйича ўтказилган “The Aimchess Rapid-2023” онлайн турнирида ўзбекистонлик гроссмейстер Нодирбек Абдусатторов (2703) 3-ўринни эгаллади. У ўтиш турнирида Уэсли Сога 1,5:0,5 ҳисобида ютқазиб қўйган бўлса, финал учрашувида норвегиялик рақиби Магнус Карлсенга (2829) 0,5:2,5 ҳисобларида имкониятни бой берди.
Бу орқали мусобақа гранд финалида Магнус Карлсен ва Уэсли Со ўзаро баҳс олиб борди. Мукофот жамғармаси 235 минг доллар бўлган “The Aimchess Rapid-2023” онлайн турнирининг якуний натижаси 3:1 кўринишида норвегиялик Магнус Карлсен ҳисобига ҳал бўлди.
Совриндорлар қуйидаги миқдорда пул мукофотига эга бўлди:
- 1-ўрин: 30 минг доллар;
- 2-ўрин: 20 минг доллар;
- 3-ўрин: 15 минг доллар.
LiveБарчаси