16 ёшли Рио Нгумоа “Ливерпул” тарихига кирди

“Ливерпул”нинг ёш ҳужумчиси Рио Нгумоа Англия Премер-лигаси 2-турида “Нюкасл”га қарши кечган баҳсда (3:2) сўнгги дақиқаларда ғалаба голини уриб, лига тарихидаги тўртинчи энг ёш тўпурарга айланди. У 16 ёш-у 361 кунлигида гол уриб, бу рўйхатда Уэйн Руни, Жеймс Милнер ва Жеймс Воган ортидан жой олди.

Мураббий Арне Слот ўйин охирида ўсмирни майдонга туширди ва у 100-дақиқада ҳал қилувчи зарбани амалга оширди. Бу гол Нгумоани “Ливерпул” тарихидаги энг ёш тўпурарга айлантирди.

Қуйида Премер-лиганинг энг ёш тўпурарларибилан танишинг:

• Жеймс Воган – 16 ёш 270 кун (“Эвертон”, 2005);
• Жеймс Милнер – 16 ёш 356 кун (“Лидс”, 2002);
• Уэйн Руни – 16 ёш 360 кун (“Эвертон”, 2002);
• Рио Нгумоа – 16 ёш 361 кун (“Ливерпул”, 2025).

Нгумоа аслида “Челси” академиясида тарбия топган, бироқ ўтган ёзда “Ливерпул”га ўтган эди. Унинг истеъдодини Терри Анри ҳам юқори баҳолаб: “Бу бола ўзини катта саҳнага эълон қилди”, дея таъкидлаган.

“Бу орзу дебюти, аммо энди ундан ҳам кўпроғи кутиляпти. Камтар бўлиб, меҳнатни давом эттириши керак”, деди “Ливерпул” сардори Виржил ван Дейк эса жамоадошини огоҳлантириб.

Нгумоа аллақачон ёзги ўйинларда ўзини кўрсатган – “Атлетик Билбао” ва “Иокогама”га қарши гол урган, “Милан” билан ўйинда ассист қилган. Энди у асосий таркиб учун курашга тайёр.

Жаҳонгир Болтабоев