11 ойда Ўзбекистонга хориждан қанча пул юборилгани маълум бўлди
Жамият
−
16 Декабрь 2020 8367
Жорий йил январь-ноябрь давомида Ўзбекистонга келиб тушган трансчегаравий пул ўтказмалари ҳажми 5,44 млрд. долларни ташкил этди. Бу ҳақда Марказий банк хабар берди.
Қайд этиш керакки, бу ўтган йилнинг мос даврига нисбатан 85 млн. долларга ёки 2 фоизга кам.
Чет элга юборилган трансчегаравий пул ўтказмалари миқдори 1,08 млрд. долларга етиб, ўтган йилнинг мос даврига нисбатан 119 млн. долл. ёки 12 фоизга ошди.
Натижада трансчегаравий пул ўтказмалари бўйича ижобий сальдо 4,36 млрд. долларга етди.
