Ҳусанов АПЛ рамзий жамоасига киритилди

“Манчестер Сити”нинг ўзбекистонлик ҳимоячиси Абдуқодир Ҳусанов Англия чемпионатининг 21 ёшгача бўлган энг яхши футболчиларидан иборат рамзий жамоага киритилди. Бу ҳақда “Score90” хабар берди.

Нашр томонида тузилган рамзий терма жамоага Ҳусановдан ташқари “шаҳарликлар”дан Рико Льоис ва Савиньо киритилган. Рамзий жамоадан энг кўп айнан “Манчестер Сити” ва шаҳарнинг яна бир жамоаси “Манчестер Юнайтед” футболчилари жой олган. “Қизил иблислар”дан Лени Йорро, Кобби Мейну ва Гарначо чемпионатининг энг яхши 21 ёшгача бўлган футболчилари қаторида эътироф этилди.

Маълумот учун, 21 ёшли Ҳусанов ҳозирга қадар “Сити” таркибида 7 та ўйинда майдонга тушиб, 1 марта рақиб дарвозасини ишғол қилди ва шунингдек, “шаҳарликлар”нинг февраль ойидаги энг яхши футболчиси, деб топилди.

Эслатиб ўтамиз, аввалроқ Аббосбек Файзуллаев Ҳусановнинг Ситига ўтиши топ даражадаги трансфер эканлигини айтганди.