Ҳиндистонда ўзини видеога олмоқчи бўлган аёл қизининг кўз ўнгида чўкиб кетди (видео)

north_east

Мисрда бортида 45 нафар россиялик бўлган батискаф чўкиб кетди

Ҳиндистоннинг Уттаракханд штатининг Уттаркаши шаҳридан оқиб ўтувчи Бхагиратхи дарёси қирғоқларига борган аёл ўзини видеога олаётган вақтида чўкиб кетди. Бу ҳақда “Mint” хабар берди.

Воқеа жорий йилнинг 14 апрель куни содир бўлган. Непаллик 35 ёшли сайёҳ қизи билан дарё бўйида суратга тушиш учун борган. Аёл дарё фонида ўзини чиройли видеога олишни хоҳлаб, телефонини ёш қизига тутқазиб, ўзи сувга тушган. Эҳтиётсизлик оқибатида у дарёнинг чуқур жойига тойиб кетди ва сувга ғарқ бўлди. Ҳодиса ҳаммасини суратга олиб турган кичик қизчасининг кўз ўнгида содир бўлган.

Ўша ерда бўлганлар зудлик билан ҳукуматга хабар берган. Тезкор қидирув-қутқарув операцияси бошланган, бироқ сўнгги маълумотларга кўра, аёлнинг жасади топилмаган.

Уттаркашида қидирув давом этар экан, расмийлар жамоатчиликни хавфсизлик қоидаларига риоя қилишга чақирган.

Эслатиб ўтамиз, 2024 йилнинг сентябрь ойида Шарқий Ҳиндистоннинг Биҳар штатида болалар фаровонлиги учун ўтказилган уч кунлик фестиваль давомида камида 46 киши дарёга чўкиб кетиб, ҳалок бўлганди. Вафот этганларнинг 37 нафари болалар ва 7 нафари аёллар эди.