Ҳиндистон Ой миссиясидан сўнг Қуёшга кема учирмоқчи

Марс ва Ойга муваффақиятли амалга оширилган миссиялардан сўнг, Ҳиндистон космик тадқиқотлар ташкилоти (ISRO) энди Қуёш устида тадқиқот ўтказишни режалаштирмоқда. Бу ҳақда “The Economic Times” нашри хабар берди. 

У бунинг учун космосга Адитя-Л1 номли кемани учиради. Миссиянинг мақсади Қуёшни ўрганиш ва унинг ишлаши ҳақида қимматли маълумотларни тақдим этишдир.

Гап шундаки, Қуёш юлдузларнинг фаолиятини чуқур ўрганиш имкониятини беради. Шунингдек, унинг юзасида вақти-вақти билан монументал энергия портлашлари содир бўлади.

Бу портлашлар Ерга потенциал таъсир кўрсатиши мумкин ва уннинг космик муҳитида бузилишларга сабаб бўлиши мумкин мумкин.

Маълумотларга кўра, Адитя-Л1 ҳар бири фотосфера, хромосфера ва Қуёшнинг тож деб ҳам аталадиган энг ташқи қатламлари ҳақида маълумот олишга қаратилган еттита алоҳида фойдали ускуна билан жиҳозланади.

Ҳиндистон ушбу миссияни қачон бошлаши ҳақида ҳозирча аниқ маълумотлар берилмаган. 

Эслатиб ўтамиз, 14 июль куни Ҳиндистон космик агентлиги Ойга “Chandrayaan-3” ракетасини учирди. Бу орқали мамлакат СССР, АҚШ ва Хитойдан кейин Ойга космик кемани муваффақиятли қўндирган дунёда тўртинчи давлат бўлди. 28 августда эса ровер Ойнинг жанубий қутби ҳақидаги биринчи илмий маълумотларни Ерга жўнатди.