Ҳабиб ва Златан куч синашди (видео)

UFC'нинг енгил вазн тоифасида собиқ чемпиони Ҳабиб Нурмагомедов ўзининг Telegram-каналида футбол афсонаси Златан Ибрагимович билан армрестлингда курашаётган лавҳасини эълон қилди.

Видеода Ҳабиб “Милан”, “Барселона”, “Аякс” клублари ҳамда Швеция терма жамоасининг собиқ ҳужумчиси Златан Ибрагимович билан куч синашишга уринади. Ушбу видеога Нурмагомедов “Бу йигит ўзгача”,  дея изоҳ қолдирди. Ушбу курашда франциялик футболчи Поль Погба уларга ҳакамлик қилди. 

Маълумот учун, Ҳабиб Нурмагомедов ўзининг сўнгги жангини 2020 йил 24 октябрь куни БААнинг Абу-Даби шаҳри яқинидаги Яс оролида бўлиб ўтган UFC 254 турнирида ўтказган. Унда у вақтинчалик UFC чемпиони Жастин Гетжига қарши октагонга чиққан ва иккинчи раундда бўғиб услуби орқали ғалаба қозонган. Бу ғалаба Ҳабиб учун фаолиятидаги 29-ғалаба бўлди. Жангдан сўнг у профессионал аралаш яккакурашдан кетишини эълон қилган. Златан Ибрагимович эса футболчилик фаолиятини 2023 йил ёзида расман якунлаган.