Зидан мураббийлик курсисига қайтиши мумкин
Спорт
−
22 Февраль
46842021 йилда “Реал”ни тарк этганидан бери ишсиз юрган франциялик мутахассис Зинедин Зидан яна мураббийлик фаолиятига қайтиши мумкин. Бу ҳақда “Tuttomercatoweb” хабар берди.
Манбага кўра, “Бавария” Зизунинг хизматларига қизиқиш билдирмоқда, бироқ Зиданнинг ўзи “Ювентус”дан таклиф кутмоқда. Зинедин бир пайтлар Италия клубида тўп тепган. Шунинг учун ҳам у Турин клубига симпатия билдирмоқда.
Қайд этилишича, Зиданнинг яқин дўсти мутахассис учун учта мақбул иш вариантини айтиб ўтган: “Бавария”, “Ювентус” ва Франция терма жамоаси. У ЖЧ-2022 дан сўнг “уч ранглилар” термасини бошқармоқчи бўлган, аммо маҳаллий федерация Дидье Дешамни бўшатмасликка қарор қилган.
Январь ойида Зидан Жазоир терма жамоасига қизиқиш билдираётгани ҳақида хабарлар тарқалди, бироқ 51 ёшли мутахассиснинг ўзи бу таклифни рад этди. Шунингдек, Бразилия ва АҚШ терма жамоалари уни таклиф қилмоқчи бўлди, аммо Зидан фақат Франция терма жамоасида ишлаш нияти борлигини айтиб ўтди.