Жоржина Париж мода ҳафталигида ноодатий чиқиш қилди
Спорт
−
02 Март 16767
“Ал-Наср” клубининг португалиялик ҳужумчиси Криштиану Роналдунинг суюклиси Жоржина Родригес Париждаги мода ҳафталигида иштирок этди. Бу ҳақда “Reuters” хабар берди.
30 ёшли Жоржина Vetements коллекцияси тақдимотида ўзига хос чиқиш қилиб, барчанинг эътиборини тортди. Модельер подиумда Роналдунинг “Манчестер Юнайтед”да тўп тепган кезларида кийган футболкасига ишора қилган ҳолда қизил либосда кўриниш берди.
Маълумот учун, Жоржина Родригес ўз фаолиятини раққоса сифатида бошлаган, тўрт ёшидан классик балетни ўрганган. Кейинчалик у мода бўйича карьерасини давом эттириш учун Мадридга кўчиб келган ва Gucci дўконида сотувчи бўлиб ишлаган. Роналду ҳозирги муҳаббатини айнан Мадриддаги Gucci дўконида учратган.
Қайд этиш жоиз, Криштиану ва Жоржина 2016 йилдан бери бирга беш фарзандни тарбиялаётган бўлсалар ҳам қонуний эр-хотин эмас. Жуфтликнинг Роналду, Эва Мария, Матео Роналду, Алана Мартин Роналду ва Белла Эсмералда исмли фарзандлари бор.
Live
Барчаси
