Жорж Флойдни ўлдирган собиқ полициячи қамоқхонада пичоқлаб кетилди
Олам
−
25 Ноябрь 2023 10200
Уч йил муқаддам, 2020 йилнинг 25 май куни АҚШнинг Миннесота штатидаги Миннеаполис шаҳрида полиция ходими Дерек Шовин афроамерикалик Жорж Флойдни қўлга олиб, 7 дақиқа давомида уни юзи билан ерга ётқизиб, бўйнидан босиб туриши натижасида у вафот этганди. Бунинг ортидан эса мамлакат бўйлаб ирқчиликка қарши норозилик намойишлари ва тартибсизликлар бошланиб кетганди.
"Reuters" агентлиги қора танли Жорж Флойдни ўлдиришда айбланган собиқ полициячи қамоқхонада пичоқлаб кетилгани ҳақида хабар берди.
Маълумотларга кўра, қамоқхона ходимлари унга биринчи тиббий ёрдам кўрсатиб, шифохонага жўнатган. Ҳодисага хавфсизликни таъминлашдаги камчиликлар ва ходимлар етишмовчилиги сабаб бўлгани айтилмоқда.
Маълумот учун, бу ушбу жазони ижро этиш муассасидаги бир йил ичида содир бўлаётган иккинчи воқеа ҳисобланади.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
