Jo Baydenning maslahatchisi koronavirusga chalindi

Olam

−

18 dekabr 2020 visibility2229 timer1 daqiqa

Amerika Qo‘shma Shtatlarining saylangan Prezidenti Jo Baydenning maslahatchisi Sedrik Richmond koronavirusga chalindi. Bu haqda siyosatchining shtab-kvartirasiga asoslanib ma’lumot berilgan.

Ta’kidlanishicha, Oq uyning bo‘lg‘usi katta maslahatchisining COVID-19 uchun topshirgan testida musbat natija qayd etilgan.

Qayd etilishicha, Richmond o‘tgan seshanba kuni Bayden bilan birga saylovoldi tashviqoti tadbirlari uchun Jorjiya shtatiga borgan. Lekin ularning muloqoti ochiq osmon ostida o‘tkazilgan. Ular himoya niqobi taqqan holda chorak soat suhbatlashgan.

Ma’lumotlarga ko‘ra, Jo Bayden allaqachon koronavirus uchun test topshirgan. Unda manfiy natija qayd etilgan.

Eslatib o‘tamiz, kecha Fransiya Prezidenti Emmanuel Makron koronavirusga chalingani haqida xabar berilgandi.

Maqola muallifi