Жиззахдаги ЙТҲда икки киши қурбон бўлди

Жамият 2785
image

Кеча, 13 август куни Жиззах вилоятида юз берган йўл-транспорт ҳодисасида икки киши ҳалок бўлди. Бу ҳақда Ўзбекистон ИИВ Матбуот хизмати хабар берди.

ЙТҲ соат тахминан соат 4:00 да Жиззах вилоятининг Ғаллаорол туманидаги “Хонимқўрғон” ҚФЙ ҳудудидан ўтувчи “Тошкент-Термиз” йўлида юз берган. Фарғона вилояти Олтиариқ тумани “Янгиариқ” МФЙда яшаган 28 ёшли А.А. ўзининг Lacetti русумли автомобилида шу йўналишда, ўзидан олдинда ҳаракатланиб бораётган 53 ёшли И.А. бошқарувидаги КамАЗ-5410 русумли юк автомашинанинг орқа қисмига урилган.

Натижада Lacetti автомашинаси ҳайдовчиси А.А. ва йўловчиси Фарғона шаҳрида яшаган 35 ёшли Ж.Ю. жароҳат олиб, воқеа жойида вафот этган. Lacetti`даги қолган икки нафар йўловчи жароҳат олиб шифохонага ётқизилган. Ҳолат юзасидан жиноят иши қўзғатилиб, тергов ҳаракатлари олиб борилмоқда.

Суннатилла Абдуллаев
Мақолага баҳо беринг
Баҳолаганлар: 83
Рейтинг: 3.0
Теглар
Будьте в курсе событий!
×
×