Жиззахда мактаб ўқувчиси ЙТҲ содир этди
3-саҳифа
−
18 Октябрь 2021 6392
Жорий йилнинг 14 октябрь куни Жиззахда 10-синф ўқувчиси Nexia 2 русумли транспорт воситасида бошқа автомобиль билан тўқнашиб, йўл транспорт ҳодисаси содир этган. Бу ҳақда вилоят Ички ишлар бошқармаси Йўл ҳаракати хавфсизлиги бошқармаси хабар берди.
Қайд этилишича, соат 00:25 атрофида 2005 йилда туғилган Жиззах шаҳрининг 26-мактаби ўқувчиси Nexia 2 русумли автомобилни бошқариб кетаётиб, ўзига нисбатан қарама-қарши йўлда ҳаракатланиб келаётган автомашинага урилган.
ЙТҲ оқибатида Nexia 2 ҳайдовчиси олган тан жароҳатлари билан Республика шошилинч тиббий ёрдам илмий маркази Жиззах вилояти филиалига ётқизилган.
Эслатиб ўтамиз, жорий йилнинг май ойида Хоразм вилоятининг Урганч туманида 10-синф ўқувчиси содир этган ЙТҲда 3 киши ҳалок бўлганди.
Live
Барчаси