Жинсий “скандал”: Жонсон “кресло”сидан айрилишни истамаяпти

Кеча, 6 июль куни кечқурун Даунинг-стритда ўз кабинетининг бир гуруҳ аъзолари билан учрашган Буюк Британия Бош вазири Борис Жонсон уларга ўз лавозимини тарк этмаслигини айтди. Бу ҳақда “Sky News” телеканали хабар берди.

Қайд этилишича, вазирлар Бош вазир қароргоҳига Жонсонни янги жанжал ва ҳукумат аъзоларининг бир қатор истеъфолари фонида ўз ўрнини бўшатишга кўндириш учун келишган.

ITV телеканали манбаларига кўра, Жонсон суҳбатдошларига улар ё уни қўллаб-қувватлашлари ва шу ёзда “иқтисодий ўсишга эътибор қаратишлари” кераклигини ёки партиядаги “раҳбарлик учун курашнинг тартибсизлиги”га ва муддатидан олдин парламент сайловларини ўтказишга интилаётган мухолифат босимига дуч келишларини айтган.

“The Times” газетасининг аниқлик киритишича, вазирлар Жонсонни "шараф билан кетишга" ундаган, чунки ҳукумат раҳбарига навбатдаги ишонч овоз беришда Консерватив парламент фракцияси аъзоларининг кўпчилиги унга қарши чиқади. Жонсон рад жавобини бериб, у ўз манфаати учун эмас, балки мамлакат манфаати учун ҳаракат қилаётганини урғулаган. 

PA агентлиги маълумотларига қараганда, Бош вазир “мамлакат ўта муҳим муаммоларга дуч келаётгани” ва шундай бир пайтда ҳукмрон партия раҳбариятини ўзгартириш масъулиятсизлик бўлишини яна бир бор таъкидлаган. 

Жонсонни Ички ишлар вазири Прити Пател, Ташқи савдо котиби Энн-Мари Тревельян, Квази Квартенг Қироллиги бизнес, Энергетика ва саноат стратегияси вазири, Транспорт вазири Грант Шэппс ва янги Молия вазири Надим Захави истеъфога чиқишга ундаган. 

Эслатиб ўтамиз, жориий йилнинг 5 июль куни Буюк Британия Ҳукуматидаги икки вазир Риши Сунак, Соғлиқни сақлаш вазири Сажид Жовид, шунингдек Таълим вазири ўринбосари Уилл Квинс ҳамда Англия ва Уэльс Бош прокурори ўринбосари Алекс Чак Бош вазир Борис Жонсон билан боғлиқ бир қатор можаролар фонида истеъфога чиққанди. Кеча, 6 июль куни эса истъфога чиққан вазирлар сони 12 тага етди. 

Пинчер даъвоси

Маълумотларга кўра, Ҳукуматнинг қулаши ортида Буюк Британиядаги жинсий зўравонлик билан боғлиқ сиёсий зиддият турибди. Воқеа ўзини ноўрин тутгани айтилаётган Торй раисининг собиқ ўринбосари Крис Пинчер ва Пинчерни лавозимга тайинлаганида унинг аввалги ўхшаш хатти-ҳаракатларидан хабардор бўлгани айтилган Бош вазир Борис Жонсон билан боғлиқ.

Гап шундаки, Крис Пинчер Олимпия ўйинларида эшкак эшувчи ва консерватив номзод Алекс Стори томонидан жинсий зўравонликда айбланган

Аввалига Жонсон Пинчер 2019 йилда жинсий зўравонлик бўйича терговга тортилганидан бехабар бўлганини айтган. Кеча, 5 июль куни маълум бўлишича, Бош вазир бундан хабардор бўлган, аммо барибир бу лавозимга Пинчерни тайинлаган. 

Кейинчалик Жонсон Пинчернинг лавозимига тайинлангани учун узр сўради ва Ҳукуматда ўз ваколатларини суиистеъмол қилганларга ўрин йўқлигини айтди.

Пинчер 2022 йил 30 июнь куни Лондоннинг Сент-Жеймс шаҳридаги клубда кечаси қаттиқ маст бўлиб, “ўзини ва бошқаларни шарманда қилганини” тан олиб, Ҳукумат раҳбари ўринбосари лавозимидан истеъфога чиқди.