ЖЧда қайси клуб футболчилари кўпроқ гол урди?

2026 йилги Жаҳон чемпионатида “Реал Мадрид” футболчилари турли миллий терма жамоалар сафида энг кўп гол урган клуб сифатида пешқадамлик қилмоқда. Клуб футболчилари мундиалда 19 гол киритди.

Англия миллий терма жамоаси ярим ҳимоячиси Жуд Беллингемнинг 2026 йилги Жаҳон чемпионати чорак финалида Норвегия дарвозасига урган голлари (2:1) “Реал Мадрид” футболчилари томонидан ушбу мундиалда киритилган 19-гол бўлди.

Шу тариқа, Жаҳон чемпионатлари тарихида илк бор битта клуб футболчилари бир мусобақа давомида жами 19 та гол уриб, янги рекорд ўрнатди.

Мадрид клуби футболчилари орасида энг яхши натижа Килиан Мбаппега тегишли. Франция терма жамоаси ҳужумчиси ҳисобида 8 та гол бор. Англиялик Жуд Беллингем эса 6 марта рақиблар дарвозасини ишғол қилди.

Шунингдек, Бразилия терма жамоаси ҳужумчиси Винисиус Жуниор 4 та гол урган бўлса, Туркия терма жамоаси ярим ҳимоячиси Арда Гюлер 1 та гол билан ушбу натижага ҳисса қўшди.

Бу кўрсаткич бўйича иккинчи ўринни Франциянинг “Пари Сен-Жермен” клуби эгаллаб турибди. Парижликлар футболчилари Жаҳон чемпионатида ҳозиргача 13 та гол киритган.

Кучли учликни Германиянинг “Бавария” клуби якунлаб турибди. Мюнхенликлар вакиллари ҳисобида 12 та гол мавжуд.

Ҳозирда Жуд Беллингем ва Мбаппе ҳам Жаҳон чемпионатидаги иштирокини давом эттирмоқда ва клубнинг натижасини янада яхшилаш имконияти мавжуд.